சாலை விபத்து, பிரசவவலி மற்றும் அவசர அறுவை சிகிச்சை போன்ற நேரங்களில் மருத்துவமனையில் அவசர சிகிச்சைக்காக சேர்ப்பதற்கு, ஆம்புலன்ஸ் ஊர்தி சேவை வழங்க 108 – அவசரகால ஆம்புலன்ஸ் சேவையை மறைந்த மாண்புமிகு முதலமைச்சர் அவர்களால் 15.09.2008 அன்று தொடங்கப்பட்டது. இந்த திட்டம் தமிழக அரசு மற்றும் GVK-EMRI நிறுவனமும் இணைந்து, பொது-தனியார் பங்கேற்பு திட்டமாக செயல்படுத்தப்பட்டு வருகிறது. தற்பொழுது அனைத்து மாவட்டங்களிலும் 1303 வண்டிகளைக் கொண்டு இத்திட்டம் சிறப்பாக செயல்படுத்தப்பட்டு வருகிறது. இச்சேவை 24x7 மணி நேரமும் அனைத்து நாட்களிலும் பொதுமக்களுக்கு இலவசமாக கிடைக்கிறது. சிசு மற்றும் பச்சிளம் குழந்தைகளுக்கு, அவசரகாலங்களில், மருத்துவமனைகளுக்கு அழைத்துச் சென்று, அவர்களின் உயிர்களை காக்க, 108 – அவசரகால ஆம்புலன்ஸ் சேவை திட்டத்தின் கீழ் “அவசரகால சிசு பராமரிப்பு சேவை” இந்தியாவிலேயே தமிழகத்தில் மட்டும 65 அவசரகால சிசு பராமரிப்பு ஆம்புலன்ஸ்களுடன் செயல்படுத்தப்பட்டு வருகிறது. தற்பொழுது 1303 வாகனங்கள், அனைத்து மாவட்டங்களில் செயல்பட்டு வருகின்றன. அவசரகால பராமரிப்பு சேவைக்காக அனைத்து ஆம்புலன்ஸ் ஊர்திகளிலும் அவசரகால மேலாண்மை தேர்ச்சி பெற்ற 2859 மற்றும் 2815 ஓட்டுநர்கள் பணிபுரிகின்றனர். இச்சேவை தொடங்கிய செப்டம்பர் 2008 முதல் 31.07.2021 வரை 1,15,56,957 பயனாளிகள் பயனடைந்துள்ளனர். அதன் விவரம் பின்வருமாறு:

• சாலை விபத்தினால் படுகாயமுற்றோர் – 21,96,181
• கர்ப்பிணித் தாய்மார்கள் - 28,24,865
• பிற மருத்துவ பயனாளிகள் - 65,35,911

பிற பயனாளிகளின் எண்ணிக்கையில் 4,54,254 (ஜூலை ‘21) மலைவாழ் மக்கள் பயனடைந்துள்ளனர். மக்கள் மற்றும் வாகன நெருக்கம் அதிகம் உள்ள இடங்களில் அவசரகால முதலுதவிக்காக 41 புதிய இருசக்கர ஊர்திகள் (First Responder Bike) 08.02.2016 அன்று துவக்கி வைக்கப்பட்டது. தொடங்கிய நாள் முதல் 31.07.2021 வரை 1,02,183 நபர்கள் பயனடைந்துள்ளனர். “108” அவசரகால ஆம்புலன்ஸ் சேவைத் திட்ட செயல்பாடு குறித்து மாவட்ட அளவில் மாவட்ட ஆட்சியர் தலைமையிலும், மாநில அளவில் சுகாதார செயலாளர் மற்றும் தலைமைச் செயலாளர் தலைமையிலும் ஆய்வு செய்யப்படுகிறது.

“104” தொலைபேசி மருத்துவ உதவி மற்றும் தகவல் மையம்

“104” தொலைபேசி மருத்துவ உதவி மற்றும் தகவல் மையம் 30.12.2013 அன்று துவக்கி வைக்கப்பட்டது. இந்த மையம் மூலம் பொதுமக்களுக்கு உடல் நலம் குறித்த ஆலோசனைகள் மற்றும் தகவல்கள், அரசின் நலத்திட்டங்கள் பற்றிய தகவல்கள் வழங்கப்படுகிறது. இச்சேவை, 24 மணி நேரமும் வழங்கப்படுகிறது.இத்திட்டம் தொடங்கிய நாள் முதல் 31.07.2021 வரை 21,63,293 மக்கள் பயனடைந்துள்ளனர்.

மனச்சோர்வு / மன அழுத்தம் ஆலோசனைக்கான அவசர உதவி எண்

தமிழ்நாட்டில் தற்கொலை இறப்புகளின் எண்ணிக்கை அதிகரித்துள்ளதைக் கருத்தில் கொண்டு பிரத்யேக தற்கொலைத் தடுப்புக்கான அவசர உதவித் தொலைபேசி அமைக்கப்படுவதன் மூலம் மன நோய்களை முன் கூட்டியே கண்டறிந்து சிகிச்சை வழங்கப்பட்டு வருகிறது. இதற்காக 104 மருத்துவ உதவி மற்றும் தகவல் மையத்தில் 83 இலட்சத்து 20 ஆயிரம் ரூபாய் செலவில் கூடுதலாக 10 இருக்கைளும், 20 மன நல ஆலோசகர்களும் அமர்த்தப்பட்டுள்ளனர். 31.07.2021 அன்று வரை 44,702 நபர்களுக்கு தற்கொலை தடுப்பு ஆலோசனை வழங்கப்பட்டுள்ளது.

மாநில கட்டளை மையம்

கோவிட்-19 தொற்றுநோயின் இரண்டாம் கட்டத்தில் சுகாதார உதவி மைய சேவைகள் முக்கிய பங்கு வகிக்கின்றன. இதன் மூலம் கோவிட்-19 தொடர்பான அனைத்து அழைப்புகள் மற்றும் விசாரணைகளின் எண்ணிக்கை அதிவேகமாக அதிகரித்துள்ளது. சராசரியாக ஒரு நாளில் பெறப்பட்ட மொத்த அழைப்புகளின் எண்ணிக்கை 2,000 அழைப்புகளிலிருந்து 10,000 அழைப்புகள் வரை அதிகரித்துள்ளது. மேலும் பொதுமக்களுக்கு கோவிட்-19 தொடர்பான அனைத்து தகவல்களையும் பெறுவதற்கு கூடுதலாக அதிநவீன 30 இருக்கைகள் கொண்ட நிகழ்நேர மாநில கட்டளை மையம் அமைக்கப்பட்டுள்ளது.

இந்த மையம் மூலம், கோவிட் படுக்கை வசதி மருத்துவமனை விவரங்கள்; மருத்துவ ஆக்சிஜன் இருப்புகள்; மருந்து இருப்புகள்; தடுப்பூசி பதிவு; தடுப்பூசி தொடர்பான சந்தேகங்கள்; கோவிட் பரிசோதனை வசதி; கோவிட் சிகிச்சை மையங்களின் விவரங்கள் போன்ற கோவிட்-19 தொடர்பான அனைத்து விவரங்களும் வழங்கப்படுகிறது. அனைத்து தொடர்புடைய தகவல்களும் தமிழ்நாடு ‘104’ HHL சேவைகள் மூலம் வழங்கப்படுகின்றன.

இலவச அமரர் ஊர்தி சேவை

அரசு மருத்துவமனைகளில் பல்வேறு நோய்களுக்கு சிகிச்சை பெறுவதற்காக அதிக அளவில் நோயாளிகள் வருகின்றனர். ஆனால், சில நேரங்களில் சிகிச்சை பலனின்றி நோயாளிகள் இறக்க நேரிட்டால், அவர்கள் உடலை இருப்பிடத்திற்கு கொண்டு செல்வதற்கு மக்கள் அவதியுறுகின்றனர். இறந்தவர்களின் உடலை எடுத்துச் செல்வதற்கு தனியார் அமரர் ஊர்தி ஓட்டுநர்களால் பெரும் அளவில் கட்டணம் வசூலிக்கப்படுகிறது. இதனை உணர்ந்த அரசு, இலவச அமரர் ஊர்தி சேவைத் திட்டத்தை தொடங்கியுள்ளது. இந்த சேவை அரசு மற்றும் தனியார் பங்களிப்புடன் செய்துகொண்ட புரிந்துணர்வு ஒப்பந்தத்தின் அடிப்படையில் இந்திய செஞ்சிலுவைச் சங்கம் வாயிலாக இலவசமாக வழங்கப்படுகிறது. தற்பொழுது இத்திட்டத்தில் 249 இலவச அமரர் ஊர்திகள் 38 மாவட்டங்களில் இயக்கப்படுகிறது. மாவட்ட அளவில் மாவட்ட ஆட்சியரின் தலைமையில் அமைக்கப்பட்டுள்ள மாவட்ட நிர்வாக குழு மூன்று மாதங்களுக்கு ஒருமுறையும், மாநில அளவில் ஆறு மாதங்களுக்கு ஒருமுறையும் மக்கள் நல்வாழ்வு மற்றும் குடும்ப நலத் துறை செயலாளரின் தலைமையில் உள்ள மாநில ஆலோசனைக் குழுவும் இந்த திட்டத்தின் செயல்பாட்டை ஆய்வு செய்கிறது. இந்த திட்டம் தொடங்கிய நாள் முதல் 31.07.2021 வரை 9,60,682 சடலங்கள் இச்சேவையின் மூலம் இலவசமாக அவர்களின் சொந்த ஊர்களுக்கு எடுத்துச் செல்லப்பட்டுள்ளது.

‘102’ வாகன வசதித் திட்டம்

ஜனனி சிசு சுரக்ஷர கார்யக்ரம் திட்டத்தின் ஒரு பகுதியாக “102 இலவச வாகன வசதித் திட்டம்” சோதனை அடிப்படையில் சென்னை மாநகராட்சியில் 01.11.2013 முதல் துவக்கி வைக்கப்பட்டது. அரசு மருத்துவமனைகளில் பிரசவிக்கும் தாய்மார்கள் மற்றும் சிக்ச்சை அளிக்கப்ட்ட நோயுற்ற குழந்தைகளை கட்டணமின்றி அவர்கள் இல்லத்திற்கு கொண்டு சேர்க்கும் சேவையை இந்த திட்டம் வழங்கி வருகிறது. பின்னர் படிப்படியாக இத்திட்டம் அனைத்து மாவட்ட தலைமை மருத்துவமனைகள் மற்றும் மருத்துவக் கல்லூரி மருத்துவமனைகளுக்கு விரிவுபடுத்தப்பட்டுள்ளது. இத்திட்டத்தில் தற்போது 132 வாகனங்கள் செயல்பட்டு வருகின்றன. இத்திட்டம் ஆரம்பித்த நாள் முதல் 31.07.2021 வரை 11,32,983 பயனாளிகள் இச்சேவை மூலம் பயனடைந்துள்ளனர்.

தமிழ்நாடு அரசு, இலவச அமரர் ஊர்தி சேவை

தமிழ்நாடு அரசு, இலவச அமரர் ஊர்தி சேவையை அரசு மற்றும் தனியார் பங்களிப்புடன் செய்து கொண்ட புரிந்துணர்வு ஒப்பந்தத்தின் அடிப்படையில் இந்திய செஞ்சிலுவைச் சங்கம் வாயிலாக வழங்கி வªjJ. j‰nghJ GVK-EMRI ãWtd¤Â‹ _y« nrit bjhl®»‹wJ. சில நேரங்களில் சிகிச்சை பலனின்றி நோயாளிகள் அரசு மருத்துவமனைகளில் இறக்க நேரிட்டால், அவர்கள் உடலை தமிழகத்தில் உள்ள எந்த மாவட்டமாக இருந்தாலும் இலவசமாக அவர்களின் இருப்பிடத்திற்கோ அல்லது இடுகாட்டிற்கோ இலவசமாக இத்திட்டம் மூலம் கொண்டு செல்லப்படடுகிறது. இச்சேவை இலவசமாக 155377 என்ற தொலைபேசியின் மூலம் 24 மணிநேரமும் வழங்கப்படுகிறது. தற்போது 225 ஊர்திகள் 38 மாவட்டங்களில் செயல்படுகிறது. பிப்ரவரி 2011 முதல் ஏப்ரல் 2021 வரை 8,95,742 சடலங்கள் இச்சேவை மூலம் இலவசமாக அவரது சொந்த ஊர்களுக்கு எடுத்துச் செல்லப்பட்டுள்ளது

102 தாய் சேய் நல ஊர்தி சேவை

தேசிய அளவில் செயல்படுத்தப்பட்டுள்ள தாய் சேய் நல ஊர்தி சேவை திட்டம் அனைத்து கர்ப்பிணிகளுக்கும் சுகாதார நிலையங்களில் பிரசவ சேவை மற்றும் பிறந்து ஒரு வருடத்திற்குட்பட்ட நோய்வாய்ப்பட்ட பச்சிளம் குழந்தை சிகிச்சை பெறுவதற்கும் இலவச போக்குவரத்து சேவை தொடங்கப்பட்டது. இது ஒரு விரைவு திட்டமாக தமிழ்நாடு செஞ்சிலுவைச் சங்கம், தமிழ்நாடு கிளை மூலம் 01 நவம்பர் 2013 அன்று தமிழ்நாட்டில் தாய் சேய் நல ஊர்தி சேவை திட்டம் செயல்படுத்தப்பட்டது. இலவச அமரர் ஊர்தி சேவை மற்றும் தாய் சேய் நல ஊர்திக்கு தேவையான செலவின தொகையை இந்திய செஞ்சிலுவை சங்கம் தணிக்கையியல் அறிக்கை மற்றும் பயன்பாட்டு சான்றிதழ் சமர்ப்பித்து தமிழ்நாடு சுகாதார திட்டத்திலிருந்து 2010-2011-ம் ஆண்டிலிருந்து பெற்றுக் கொள்கிறது.

வருடாந்திர ஒதுக்கீடு மற்றும் செலவினம்

இலவச அமரர் ஊர்தி சேவை

102 தாய் சேய் நல ஊர்தி சேவை

Photos